No CRA de Oroso, na escola de Vilacide, a maxia da aprendizaxe cobrou vida dun xeito moi especial. O noso alumnado mergullouse nun proceso creativo único: a elaboración dun Stop Motion inspirado no fermoso conto “A que sabe a lúa?”de Michael Grejniec.
Dende a primeira idea ata o resultado final, foron as nenas e os nenos quen protagonizaron cada paso: pensaron, imaxinaron, construíron, probaron, erraron e volveron intentar. Un verdadeiro proceso de creación e avaliación no que aprender foi sinónimo de experimentar e gozar.
Esta experiencia non sería a mesma sen a colaboración dunha das nosas familias, @conelpisapapeles, que acompañou ao alumnado achegando creatividade, apoio e ilusión. Porque cando a escola e as familias camiñan da man, o aprendizaxe convértese en algo moito máis profundo e significativo.
O resultado é moito máis ca un vídeo: é unha mostra viva de como traballamos no noso centro a innovación educativa, a inclusión e o respecto pola diversidade. Cada neno e cada nena atopou o seu lugar no proxecto, aportando o mellor de si mesmo e si mesma, demostrando que todas as voces contan.
Esta actividade enmárcase na aposta por unha escola aberta, creativa e conectada coa realidade.
Na escola de Vilacide seguen construíndo aprendizaxes que emocionan, que unen e que deixan pegada. Porque educar tamén é crear recordos compartidos que duran para sempre. Grazas por compartilo co resto das escolas do CRA de Oroso.
Ningún comentario:
Publicar un comentario