Lectura en crebacabezas

 No CRA de Oroso tamén se le… e constrúe!

O noso alumnado mergullouse nun reto moi especial: crebacabezas 3D de Nadal, onde a maxia non estivo só no resultado final, senón no proceso lector.

Antes de montar, houbo que ler con atención, interpretar instrucións en papel, seguir pasos, anticipar accións e poñer en práctica a comprensión lectora. Un exemplo perfecto de como a lectura é unha ferramenta viva que nos permite pensar, crear e resolver retos reais, en plena sintonía co PLEA (Programa de Lectura, Escritura e Acceso á Información).

Porque ler tamén é facer, construír, equivocarse e volver intentalo. Así aprendemos no CRA de Oroso.