Recomendacións lectoras de Nadal no CRA de Oroso
No CRA de Oroso queremos aproveitar estas datas tan especiais para lembrar algo fundamental: ler, escribir e soñar tamén forma parte do Nadal. Por iso, compartimos unha selección de libros e xogos que están a encheras as vosas ilusións, lingua e aprendizaxe
En galego, apostamos por historias que emocionan e fan voar a imaxinación:
- A tenda de xoguetes, un libro cheo de maxia e nostalxia.
- Sopas de letras do Nadal, ideal para xogar coas palabras, reforzar a lectoescritura e desfrutar do espírito destas festas.
- A chave dos soños, unha lectura poética que invita a abrir portas á imaxinación e aos desexos.
En castelán, sumamos títulos cheos de humor e valores:
- El reno que vino a cenar unha historia divertida sobre amizade e convivencia.
- Nunca dejes que un unicornio se encuentre con un reno perfecta para rir e reflexionar.
En inglés, achegamos lecturas adaptadas ás primeiras idades:
- Start e Bot, libros ideais para iniciarse na lingua inglesa dun xeito visual, sinxelo e motivador.
Ademais, completamos estas recomendacións con xogos de mesa para infantil e primaria, como La Morada, Maldita ou La Galaxia de los Números, que fomentan o razoamento, a cooperación e a aprendizaxe a través do xogo.
Este Nadal regalemos tempo:
tempo para ler sen présas,
para escribir, inventar e crear,
e para gozar das festas en familia arredor dos libros.
Porque cada lectura é unha semente de futuro.
Ningún comentario:
Publicar un comentario