Ola, olaaa! Son eu, Pingüi… o pingüín máis lector de todo o CRA de Oroso!

Na nosa querida Pingüibiblio temos unha sesión moi especial… adicada ás caricaturas e ás persoas artistas que as crean: caricaturistas!

Sabíades que unha caricatura é un debuxo no que se esaxeran algunhas características dunha persa? Por exemplo… un nariz máis grande, uns ollos moi expresivos ou un sorriso xigante . Non é para rir de ninguén, senón para observar, interpretar e xogar coa imaxinación. É unha forma de arte moi antiga que apareceu en Europa hai séculos e que hoxe segue viva en libros, xornais e… tamén nas nosas bibliotecas! Unha forma diferente de deseñar unha persoa.

Na Pingüibiblio descubrimos que as caricaturas tamén contan historias, igual que os contos . E ademais… axúdannos a mirar con atención, a coñecernos mellor e a expresarnos con creatividade. Porque… quen non ten un super sorriso digno de caricatura? 

E agora vai un chistiño de pingüín artista:

—Pingüi, por que non debuxas nunca en serio?
—Porque sempre me sae… demasiado gracioso!

Debuxamos, rimos, observamos e, sobre todo… lemos con ollos curiosos.

Seguimos facendo da nosa biblioteca un lugar onde a imaxinación voa… e ás veces tamén se debuxa!