O alumnado converteuse en auténticos exploradores e exploradoras da natureza… e vaia descubrimentos!
Os amorodos xa comezan a asomar tímidos, o rosal parece estar a piques de regalarnos as súas flores e os dentes de león decidiron conquistar o patio coma pequenos paracaidistas dourados.
E por se fora pouco… milleiros de flores están a espertar e ata as capuchinas xa andan curiosas, abrindo pétalos e “husmeando” o mundo ao seu redor!
A natureza está a falarnos… só hai que parar, mirar… e sentir.
Agora que o sol nos convida a saír e o mes de maio —o mes das flores— está á volta da esquina…
é o momento perfecto para explorar!
Animamos a todo o alumnado, ás familias e á comunidade a:
Pasear polos camiños
Perderse (un pouquiño) polos bosques
Observar os cambios nos campos e no monte
Compartir tempo ao aire libre
E lembrade… se atopades lixo polo camiño…
A natureza non quere lixo, quere cariño!
Recoller, coidar e respectar tamén é aprender.
Porque cada pequeno xesto conta… e cada ollada curiosa fai medrar grandes persoas.
Ningún comentario:
Publicar un comentario