Imagine

Ola imaginepingüis:

Grazas a Lydia, a mestra de Deixebre, chegou as nosas mans este libro tan especial:

Como gustou tanto as nenas e nenos de Senra fixéronlle un vídeo para recomendado. 

Vaia princesa!

Ola amantes da Paz!

Este martes vimos un conto titulado: A princesa rebelde.

Foi un acerto e todo o mundo gozou da súa historia. Nel vemos como unha muller ten dereito a realizar os seus soños do mesmo xeito que calquer ser vivo. En paz e liberdade.

A súa escritora é Anna Kemp é unha mestra da universidade Queen Mary de Londres onde ensina literatura francesa. Escribiu moitos libros moi interesantes de temática infantil.

A ilustradora é Sara Ogilvie. Ten ilustracións preciosas e ademais é unha gran artista en diseño, publicidade... Recordade que podedes visitar o seu blogue clicando no nome.

Se querelles ver as vosas fotos visitade a nosa páxina do CRA:

CLICA EN PINGÜI

Martes de PAZ.

Ola pazamig@s!

Hoxe é un día moi especial. Temos sesión de animación á lectura, pero tamén o día escolar da non violencia e a paz.

Estou moi feliz porque me dixeron que temos na biblioteca de Vilarromarís unha moza moi especial que sabe o que quere e como conseguilo.

É unha muller libre, que busca a felicidade respectando @s demais. Vinde e veredes que muller máis fascinante.

Agora déixovos cunha canción para animar este día tan especial, bailade e cantade á miña saúde.

Podedes xogar tamén a...

Chega un día moi especial

Ola pingüicolegas!

Teño que recordar a todas e a todos que o día 30 de xaneiro está adicado a non violencia e a paz.

Aquí vós deixo un enlace para visitar con explicacións, consellos, animación e moitos, moitos libros.

Ánimos soletes! (clicade na imaxe)

Pablo Picasso

Vaia lote de pingüíns.

Ola pitukiñ@s!

Este martes vimos unha morea de colegas. Xa vedes o elegantes que somos.

Gozamos un libro moi inspirador para traballar os números e a súa orde. Xa saberedes que cando nos xuntamos con moitas cousas hai que saber utilizar a cabeza para ordenalas, clasificalas, calcular o que precisamos ou do que debemos prescindir...

O conto visto chámase 365 pingüíns.

O seu escritor é Jean-Luc Fromental. De orixe francesa traballou en distintos campos: guións, prensa, publicidade... Ata participou nunha serie de debuxos chamada Lucky Luke.

O ilustrador é Joëlle Jolivet. Deseñou e publicou infinidade de libros moitos deles para vós.

Unha curiosidade. Este libro foi gañador do Premio de Honor Boston Globe-Horn Book. Un dos premios máis importante que se lle dan a libros de literatura infantil e xuvenil.

Saúdiños!!!

Martes de inverno

Ola chulis!

O primeiro de todo é dicirvos que tedes que vir á biblioteca. 
Estou desexando volver vervos outra vez. Este martes temos unha sorpresa moi especial en Vilarromarís. Sabedes que?...
Un presente da miña familia!. 
En nadal faleille de todas e todos de vós. Que faciamos na biblioteca, como as profesoras e profesores participaban todos os martes, como as familias acudían a visitala...
Así que picoulles curiosidade e decidiron vir vela. Como somos moitas e moitos non podiamos permanecer ata o martes pola tarde, pero deixaron un conto moi especial para o voso goce.

Aquí queda un pequeño vídeo, animádevos!

Polvomascota

Ola amigas e amigos:

Este martes coñecemos unha nova mascota na biblioteca. Un ser moi especial que nos deixou coa boca aberta, rememorádelo?. 

UN POLBO! ALUCINA MANDARINA!.

O seu dono non estaba moi dacordo cos seus métodos de aprendizaxe pero ao final deuse conta do bo amigo que era. Saberes dicirme como se chamaba o conto?: 

O seu autor é Martin McKenna un ilustrador británico que fixo infinidade de obras: xogos en rede, de rol... As súas obras foron utilizadas en cinema e televisión tamén.

Para os/as que non viñestes á biblioteca deixámosvos na nosa páxina web os materiais de animación á lectura que se entregaron este martes. Son recomendacións de contos onde saen polbos, tanto para vós coma para a vosa familia.

Clica na imaxe e accederás a eles.

Moitos saúdos.