SENLLEIRAS DEPORTISTAS

No CRA de Oroso estamos descubrindo algo incrible…

Hai mulleres que correron máis rápido que os límites, que marcaron goles contra os prexuízos,
que nadaron contra corrente para abrir camiño ás demais.

O noso alumnado está investigando e dando voz ás mulleres deportistas que fixeron historia. Mulleres valentes, fortes, soñadoras… senlleiras. 

Porque o deporte tamén se escribe en feminino.
Porque cada historia conta.
E porque cada nena merece saber que pode chegar onde queira. 

Neste 8 de marzo, Día da Muller, celebramos a todas esas deportistas que abriron camiños… e tamén ás que están empezando a percorrelos nas nosas aulas. 

Moi pronto compartirémosvos máis descubrimentos deste proxecto que nos está facendo aprender, sorprendernos e admirar.

Queredes coñecer a estas Senlleiras Deportistas?
Estade atentas… porque as súas historias merecen ser contadas. 

Bo camiño!

 Grazas Lucía!

Marchas para Valencia, pero levas na maleta un anaquiño do noso cole… e nós quedamos cun montón de recordos fermosos contigo!

Audición na Pingüibiblio

 

Pasámolo de fábula!

Quen ía dicirnos que a audición era tan importante pero tan divertida tamén.

Pero non so iso senón que tamén coñecimos a Hervé Tullet ilustrador e escritor de libros para nenos e nenas. Ten mil e unha aventuras que podemos coñecer. Como por exemplo...

Tamén ten xogos superinteresantes.

Queredes ver o conto?

E agora un xogo!

Formación que inspira, transforma e impulsa o futuro da educación no CRA de Oroso

 No CRA de Oroso tivemos o pracer de acoller na formación “Metodoloxías 360°: Estratexias innovadoras e inclusivas para ler, contar e crear”, a Lucía Abad que nos seguiu introducindo e fomentando a metodoloxía OA OA, unha experiencia verdadeiramente enriquecedora para todo o profesorado do centro.

Ao longo da sesión afondamos traballando con materiais e propostas tan estimulantes como o tangram, os xeoplanos, os policubos… ferramentas que fomentan o pensamento lóxico, a creatividade, a manipulación e a comprensión profunda das matemáticas desde idades temperás.

A formación resultou súper interesante e moi beneficiosa, xa que conecta directamente coas actividades que xa se están a desenvolver no centro e abre novas posibilidades para seguir avanzando. O profesorado marcha con ganas, ilusión e motivación para aplicar estas estratexias en todas as áreas, convencido de que unha visión global e integradora mellora a eficacia das aprendizaxes e favorece un desenvolvemento matemático sólido, significativo e inclusivo.

No CRA de Oroso seguimos apostando por estar na punta da innovación educativa, incorporando o máis actual, o máis eficaz e o máis humano. Somos un centro vivo, moderno e comprometido, onde o alumnado é o verdadeiro protagonista e onde as familias poden sentirse identificadas cun proxecto educativo de calidade, aberto e transformador.

Porque educar é crear futuro, e facémolo xuntos e xuntas, con ilusión, formación e innovación constante. 

 

Dar unha segunda vida tamén é educar

Na escola de Vilacide, puxéronse mans á obra para recuperar e restaurar antigos maceteiros e xardineiras de madeira que estaban deteriorados. O que antes parecía inservible… hoxe volve ser oportunidade 

Esta actividade forma parte do noso compromiso co proxecto Voz Natura, onde traballamos co alumnado valores fundamentais para o presente e o futuro do planeta. 

Compartimos o avance do traballo realizado e tamén o soño de como nos gustaría ver estes espazos verdes no futuro: cheos de vida, cor e aprendizaxes ao aire libre.

Facemos un chamamento ás familias e ás persoas achegadas ao centro: mirade na casa con outros ollos. Un caixón, unha maceta, un moble vello… todo pode transformarse. Pequenos xestos crean grandes cambios 

Porque educar en sustentabilidade é actuar hoxe pensando no mañá.

3 de marzo · Día de la Audición no CRA de Oroso

 Este 3 de marzo celebramos unha sesión moi especial de animación á lectura na Pingüíbiblio, a biblioteca escolar do CRA de Oroso, para conmemorar o Día da Audición.

O alumnado e o profesorado mergullarémonos nunha experiencia sensorial e divertida a través do libro ¡OH! Un libro de sonidos, do recoñecido autor e ilustrador Hervé Tullet, coñecido por crear obras interactivas que convidan a xogar, escoitar, experimentar e aprender cos cinco sentidos.

A audición é fundamental na nosa vida diaria: permítenos comunicarnos, aprender, emocionarnos coa música, gozar das historias e relacionarnos co mundo que nos rodea.
Pero tamén queremos lembrar que non todas as persoas oen do mesmo xeito, e iso non é unha limitación, senón unha diversidade.

Existen moitas formas de comunicarse e de “escoitar”: linguaxe de signos, lectura labial, audífonos, implantes cocleares, apoios tecnolóxicos e visuais

Nesta xornada tamén falaremos da importancia de coidar os nosos oídos, evitando ruídos excesivos, introdución de obxectos ou hábitos pouco saudables, e aprendendo pequenos trucos para mellorar a nosa audición desde idades temperás.

Realizaremos actividades lúdicas e educativas relacionadas co coñecemento da audición, xogos sonoros, exploración de sons, silencios e moitas sorpresas máis.

Convidamos a todas as familias do CRA de Oroso a compartir con nós esta xornada tan significativa.