O Nadal chega para envolvernos coa súa maxia, coa calor dos fogares e coa alegría compartida de momentos inesquecibles.
Nesta época tan especial, queremos desexarvos un tempo cheo de luz, agarimo e ledicia, onde cada sorriso sexa un regalo e cada aperta, un bálsamo de amor.
Dende o CRA de Oroso, onde os soños medran ao ritmo da natureza, enviámosvos os nosos mellores desexos. Que estas festas sexan un tempo para recargar forzas, fortalecer os lazos que nos unen e soñar xuntos e xuntas cun ano novo cheo de proxectos e ilusións.
Esperámosvos no segundo trimestre (8 de xaneiro) con moita enerxía e coas portas abertas a un futuro cheo de aprendizaxes compartidas.
Desexámonvos un moi Bo Nadal e Feliz Aninovo.
O equipo do CRA de Oroso
"A ledicia compartida é o máis fermoso agasallo que podemos ofrecer."
Ningún comentario:
Publicar un comentario