Recordade...

 

Os Maios con Curros Enriquez

Este martes por circunstancias da vida non puidemos facer a nosa sesión de animación a lectura.

Habería sido unha sesión fantástica na que falaríamos desta festa e como cada un e canda unha de nós a íamos a celebrar. 

Pero o máis importante e que coñeceríamos unha das obras de Curros Enriquez: 

Este libro contén os versos de Manuel Curros Enriquez. Un poeta e xornalista galego moi importante para Galicia no que moitas rúas e colexios levan o seu nome.

Este libro foi ilustrado por Blanca Millán. Unha gran artista nada en Touro que sempre andubo rodeada de pinturas e papeis nos cales expresaba soños, ilusións e desexos. 

Te ilustrados moitos contos. Ahí vai unha mostra:

Suspendido

 

Suspendida toda actividade escolar

 

Teatro en acción.

O vindeiro mércores 30 de abril, o alumnado do CRA de Oroso gozará da obra "E entón, un xardín", no Auditorio Abanca de Santiago de Compostela.

Unha comedia colorista e vitalista da compañía Paporrubio, escrita e dirixida por María Peinado, interpretada por Luchi Iglesias e acompañada pola música en vivo de Carlos Quintá.
Nesta historia máxica, o xardín énchese de vida para celebrármonos coa natureza, reivindicar os seus dereitos e lembrar a importancia de latexar xuntos co noso mundo natural.

Un espectáculo cheo de marionetas, obxectos, imaxes poéticas e moita imaxinación que esperta valores como a empatía, a responsabilidade e o respecto.

Estamos desexando vivir esta aventura!

Xa ule ao mes de maio!

 Ola pingüicolegas!

Xa chega o mes de maio e nestas datas tan queridas estamos a punto de celebrar unha festa moi especial: OS MAIOS.

É unha festa popular de orixes ancestrais. Esta celebración primaveral adóitase celebrar o 1 de maio. Antigamente eran ritos relacionados coa primavera árbores, que se foron perdendo co paso do tempo. Pero aínda a así na nosa terra aínda se conservan festividades relacionadas.

Como as celebramos?

Coa creación de cantigas como...

Levántate maio que tanto dormiche, 

pasou o inverno e ti non veniche. 

Levántate maio que tanto durmiche 

que pasou abril e ti non o viche.

Ou con figuras especificas da festa: https://calameiga.es/os-maios/

Este martes imos celebrar esta festa tan especial. 

Estades dispostas e dispostos a pasalo ben?

Vinte a Pingüibiblio!!!

Calendario de sesións formativas E‑LBE.2

Achegamos o calendario de sesións formativas E‑LBE.2 

Formación para docentes e familias da plataforma de préstamo dixital E‑LBE.2, á que o voso centro ten acceso grazas ao Plan de Mellora de Bibliotecas Escolares.

Calendario de sesións

– Para docentes:

• 5 de maio, 17:00 h – “Xestión de colecións e edición de préstamos”
• 12 de maio, 17:00 h – “Estratexias de fomento da lectura dixital”
• 19 de maio, 17:00 h – “Integración de E‑LBE.2 en proxectos curriculares”

– Para familias (imprescindible anotarse vía web, para solicitar os enlaces dirixídivos a coordinadora da Pingüibiblio):

• 8 de maio, 18:00 h – “Como acompañar ao neno ou nena na lectoescritura dixital”
• 15 de maio, 18:00 h – “Recursos dixitais para a lectura en familia”

Esta información a todo o claustro e ás familias do alumnado do CRA de Oroso. 

Para acceder á formación de familias, as familias deben contactar co CRA de Oroso (coordinadora da biblioteca) e recibirán o enlace de inscrición.

Neste Ano do Libro 2025, lembramos que a lectura é unha ferramenta esencial para o desenvolvemento persoal e académico: fomenta a imaxinación, a reflexión e a aprendizaxe constante. Aproveita estas sesións para potenciar o mundo lector.

23 de Abril. Día do libro no CRA de Oroso

Día do Libro 2025 no CRA de Oroso

"Ler é comprender. O acto de ler é entendemento. Ler e comprender é vivir." — Álvaro Pombo

Hoxe celebramos moito máis ca un día calquera. Celebramos o poder dos libros para abrir portas, sementar comprensión e facer medrar vidas máis ricas e libres.

O cartel oficial, creado por Pep Montserrat, Premio Nacional de Ilustración 2024, inspírase nesa idea: o libro como porta aberta a mil mundos. Como no noso CRA, onde cada páxina lida é un camiño de ida e volta entre imaxinación e realidade.

Dende o corazón das nosas escolas rurais, convidamos a toda a comunidade —nenas, nenos, familias, mestres e amizades— a facer do libro un compañeiro/compañeira de vida. Que nos axude a sentir, pensar, rir e descubrir. Porque un libro no peto é ledicia no peito.

Durante esta semana, viviremos o espírito da #SemanaCantareira cunha presentación moi especial:
“Cantigas de lectura para un día con doce altura”, onde xogaremos coas palabras, cantaremos consellos lectores e celebraremos que ler... é tamén vivir!

Non esquezades o 23 de abril é o Día Mundial do Libro e dos Dereitos de Autor, unha data chea de historia e simbolismo, elixida pola UNESCO para lembrar a importancia da lectura, dos autores e da creación literaria.

Así que... hoxe e sempre:

Lede, sentide, compartide. A lectura é unha festa e todos e todas estamos convidados e convidadas!

Martes emocionante con PINK!

Que ledicia coñecer a PINK! 

Este conto tan especial foi escrito por Lynne Rickards. Esta autora nace en Canada e agora vive en Escocia coa súa familia. Escribe un sinfín de contos e libros maravillosos que che invito a coñecer: 

Este conto foi ilustrado por Margaret Chamberlain. Se queres ver algo da súa obra so tes que visitar o seu Instagram: https://www.instagram.com/margaret_chamberlain/ ; ou Facebook: https://www.facebook.com/MargaretChamberlainIllustration/

Voltamos coa Pingüibiblio!

Ola pingüilectores e pingüilectoras!

Seguro que xa sabedes que chega as nosas portas a semana do libro! Como o poderíades esquecer?

Esta semana escolar imos celebralo por todo o alto para o cal na volta a pingüibiblio coñecermos dous contos moi especiais:

Seguro que algún xa coñecedes e senón é así so tedes que acudir. 

Clica na imaxe

Pero recordades porque se celebras neste día? Pois escolleron esta data porque foi cando morreron escritores tan impostantes como Miguel de Cervantes ou William Shakespeare. 

Miguel de Cervantes escribeu un libro moi importante e mundialmente coñecico titulado: Don Quixote da Mancha. Queredes ver a súa historia?

Vacacións e pronto o terceiro trimestre!

 

Gran tarde!

Este martes a sorte estivo da nosa parte e GatoCan de Coirós mostrounos outra realidade que temos diante das narices e que non vemos. A necesidade de coidar e tratar con respecto os animais. Que non son un xoguete e que forman parte da nosa vida cotiá. 

Podedes visitar a súa páxina web: https://www.gatocan.com/ ; e saber máis sobre a súa iniciativa de vida.

Grazas as familias pola súa colaboración e por apoiarnos nesta iniciativa.

Tarde de Formación con Lidia Gómez Boga

A diversidade como motor educativo
. Esta semana, o profesorado do CRA de Oroso tivemos o privilexio de participar nunha sesión formativa, a cargo da especialista Lidia Gómez Boga, dentro do noso plan de formación no centro:
 “A diversidade aplicada á aula a través dos Polos Creativos”.

Durante a sesión, mergullámonos nas bases do modelo DUA (Deseño Universal para a Aprendizaxe), descubrindo como as intelixencias múltiples poden transformar a forma de ensinar e aprender. 

Reflexionamos sobre a realidade das nosas aulas: atención á diversidade, dificultades específicas, alumnado con dificultades, integración… e sobre todo, como crear espazos inclusivos e creativos onde cada neno e nena poida brilar 

Grazas tamén ao noso representante do CAFI, Sergio, polo seu apoio constante e acompañamento neste proceso formativo tan enriquecedor.

Foi unha tarde chea de aprendizaxes reais, útiles e inspiradoras, que xa estamos desexando aplicar nas nosas aulas!

Texas Easter

 

Coñecer o mundo dos animais...

 Ola!

Como especie animal que son estou sempre feliz de colaborar con todas as iniciativas que se propoñan para o coidado e o respecto de todas as especies. 

O día 4 de abril celebrouse o día internacional dos animais sen fogar e como entidade colaboradora e sensible con esta temática queríamos aportar o noso gran de area. 

Actualmente hai moitos animais abandoados e que non teñen un fogar estable no que vivir. Dende o CRA queremos colaborar e dar visibilidade a esta realidade.

Se queredes integravos nesta iniciativa so tedes que aportar o que poidades e vir a pingüibiblio o vindeiro día 8 de abril. Ímolo pasar ganuto e cantuno!

Agora imos ver un conto sobre uns animais que non eran moi ben tratados no seu fogar:

Galicia sabe a mar

 Galicia sabe a mar.

Galicia sabe a mar, ben fresco e salgado,

peixiños, polbos no prato cociñados.

Forza e intelixencia no corpo a medrar,

cun prato mariñeiro que nos fai voar.

Sardiñas e mexillóns, sabor de verdade,

dan lume e ledicia dende a mocidade.

Na infancia o segredo é o mar degustar,

medrando felices, con forza e sabendo amar.

https://www.xunta.gal/es/notas-de-prensa/-/nova/011452/campana-galicia-sabe-amar-difunde-entre-los-alumnos-los-cuatro-colegios-rurales

https://www.instagram.com/p/DH_wDlDtBq4/

Visita de Food Truck: Galicia sabe a mar.

ATENCIÓN, CRA DE OROSO!

Este xoves 3 de abril, unha Food Truck moi especial visitará as nosas escolas para ensinarnos todo sobre os produtos do mar: como se toman, como debemos consumilos e por que son tan importantes para a nosa alimentación.

As familias tamén están convidadas a gozar e saborear estes deliciosos manxares. Unha oportunidade única para aprender e degustar xuntos e xuntas! 

Esta actividade forma parte dun programa da Xunta de Galicia que promove o consumo responsable e saudable dos produtos do mar: Galicia sabe a mar. Para máis información: https://galiciasabeamar.gal/

Non o perdades! 

A xogar!!!

 Neste martes tan espectacular fixemos un bo lote de xogos e coñecimos dous contos maravillosos. 

O primeiro deles foi: DEDÍN, DEDÍN DE PEQUENEQUÍN da editora Edicións do Castro coa que colaborou Isaac Díaz Pardo. Este libro foi feito a partir dun proxecto de animación a lectura impartido por Federico Martín Nebras. Nel recollen unha serie de cantigas, ditos, adiviñas... do folclore popular tanto en galego como en castelão.

O segundo é: Rimas da editora Everest. Son textos populares ilustrados por Piton (José Luis Rivera Campo). Aparecen recitados e rimas populares.

E despois adicámonos a xogar e pasalo moi ben!