Comeza un novo curso e, con el, volven encherse as nosas escolas de nomes, sorrisos, ilusións e novas historias por escribir.
Unha actividade tan sinxela como preparar os nosos percheiros cos autorretratos e os nomes de cada nena e cada neno convértese nunha fermosa maneira de dicir: Este é o meu lugar. Aquí pertenzo. Aquí imos medrar xuntos e xuntas.
E facémolo tamén mirando cara ao noso planeta. Reutilizar materiais, darlles unha nova vida e aproveitar recursos que xa temos é unha maneira sinxela de introducir desde as primeiras idades o respecto polo medio ambiente e a importancia de consumir de maneira responsable. Porque educar tamén é ensinar a coidar aquilo que nos rodea.
Cada nome ten unha historia.
Cada rostro, un mundo.
Cada material, unha nova oportunidade.
E xuntos e xuntas comezamos unha nova aventura.
Ningún comentario:
Publicar un comentario