As nenas e os nenos están a coser as letras do seu propio nome. Unha actividade que lles encanta e que, detrás de cada puntada, agocha moitas aprendizaxes: mellora da coordinación ollo-man, precisión, concentración, paciencia e autonomía.
Pero coser é moito máis que pasar un fío por un burato. É aprender a facer, a esperar, a equivocarse e volver intentalo. É adquirir unha habilidade práctica que poderá acompañalos ao longo da vida para arranxar, crear, reutilizar e coidar as súas propias cousas.
E, ademais, hai algo moi especial: están cosendo a súa propia letra. Cada puntada constrúe tamén identidade, seguridade e orgullo polo que son capaces de facer.
No CRA apostamos por aprendizaxes que teñen sentido, que se tocan, se experimentan e que nos preparan para a vida.
Porque ás veces, unha pequena puntada pode ser un gran paso cara á autonomía.
Ningún comentario:
Publicar un comentario