Xornada de convivencia inesquecible no CEIPP de Sigüeiro

 Xornada de convivencia inesquecible no CEIPP de Sigüeiro

Hoxe vivimos unha manancial de emocións e ilusións! O noso alumnado do CRA de Oroso tivo a sorte de visitar o CEIPP de Sigüeiro, coñecendo así as instalacións do que será o seu novo fogar escolar. 

Fomos recibidas e recibidos tanto alumnado, profesorado e familias con moito agarimo por un equipo humano marabilloso: profesorado, persoal non docente e alumnado que nos fixeron sentir como na casa dende o primeiro momento.

Gozamos dunha fantástica obra de teatro feita polo propio alumnado do CEIPP, onde puideron recoñecer antigas compañeiras e compañeiros do CRA, reencontrarse e facer novos lazos de amizade. 🤝

Participaron en xogos colaborativos que fixeron da xornada unha auténtica festa de convivencia, emoción e aprendizaxe compartida.

Ademais, fixéronnos uns agasallos cheos de cariño que gardaremos como lembranza deste día tan especial.

Dende o CRA de Oroso damos as GRAZAS de todo corazón a toda a comunidade educativa do CEIPP de Sigüeiro por abrirnos as portas, polos sorrisos, pola calor humana e por facer deste paso un camiño fermoso cara o futuro.

Excursión de Fin de Curso: Bautismo do caiac

Un día para gardar no corazón... 

Este martes, o CRA de Oroso viviu unha xornada máxica na Illa de Arousa, chea de aprendizaxes, amizade e natureza.

Comezamos cun obradoiro de pintado de cunchas que deu paso a xogos na area, risas e creatividade sen límite. Despois, chegou o momento máis esperado: o bautismo de caiac, onde o mar nos abrazou e descubrimos novas formas de movernos e divertirnos no medio natural. 

Tras tanto movemento, compartimos un merecido xantar baixo as árbores, e pola tarde continuamos xogando e gozando dunha praia chea de vida e alegría. Para rematar, fixemos unha merenda fantástica, profes e alumnado, celebrando xuntos e xuntas o valor de ser comunidade.

Foi unha excursión que non só nos levou a un lugar fermoso, senón que nos conectou coa natureza, co grupo e con nós mesmos e mesmas.

Grazas a todas as persoas que fixeron posible esta experiencia inesquecible.

Excursión de Fin de Curso

 Excursión de fin de curso do CRA de Oroso!

O vindeiro martes 27 de maio despedimos o curso cunha saída moi especial á Illa de Arousa, un paraíso natural onde o noso alumnado vivirá unha xornada inesquecible.

Actividades para disfrutar e aprender:
Bautismo de Kayak
Obradoiro de cunchas

Todo da man de Piragüilla ocio e aventura, especialistas en actividades na natureza.

Puntos de recollida:
• 9:30 - Restaurante Os Carballos (alumnado de Deixebre e Trasmonte)

• 9:40 - Pavillón polideportivo de Sigüeiro (alumnado de Senra e Vilacide)

Hora de regreso estimada: 18:00 dende a Illa de Arousa

Iremos cargadiños de ilusión, ganas de remar e de seguir aprendendo no medio natural!

A araña máis eu

Unha araña no corpo humano? Si… e tamén no CRA de Oroso!

No noso proxecto As casas dos animais tocoulle a quenda ás arañas! E non calquera araña… senón unha exploradora valente e soñadora, que descubrimos no conto "A araña e mais eu" de Fran Alonso e Manuel G. Vicente (Kalandraka).

Coas súas patiñas curiosas percorremos narices de amorodo, ollos de cereixa e ata pel de pexego nunha viaxe poética polo corpo humano... que rematou nunha actividade ben saborosa!

Estudamos as súas características, o seu papel no ecosistema, os seus costumes… e mesmo a importancia que teñen na cultura e na literatura. Para poñerlle o broche á xornada, fixemos uns pinchos de froita ben arañentos, que deixaron a todos coa boca aberta... e chea! 

No CRA de Oroso, a natureza e a lectura danse a man para aprender, crear e saborear! 

Gran festa de despedida na Pingüibiblio

Gran festa de despedida na nosa Pingüibiblio do CRA de Oroso!

Hoxe puxémoslle o remate a unha tempada chea de historias, aventuras e emocións cunha xornada moi especial!

Comezamos coa lectura de "Hai alguén máis feroz ca min?" de Hugo Fernandes & Zé Carlos Pinto, un conto no que un monstro moi feroz descubre que a amizade pode ser máis poderosa ca o medo... E nós tamén aprendemos que xuntas e xuntos somos invencibles!

 Logo da lectura... chegou a festa larpeira e cantareira!

Tivemos baile, xogos, pinchos e moooita diversión! As mestras puxéronse as pilas e todos e todas bailamos ata perder o medo!

Rapazada feliz, profes entusiasmadas e unha biblioteca que latexa con forza grazas á participación de toda a comunidade. Grazas por facer posible momentos coma este! 

Tamén das as grazas a Biblioteca Pública Municipal do Concello de Oroso e o Concello de Oroso por emprestarnos as súas instalacions e colaborar coa nosa biblioteca. Grazas por deixarnos seguir adiante co noso proxecto educativo.

Texas Food TEX - MEX

  TASTE OF TEXAS IN OROSO!

Our amazing language assistant Megan brought a delicious presentation to life in the classroom at CRA de Oroso!
Under the theme “TEXAS FOOD – TEX-MEX”, she introduced our students to mouthwatering dishes from her home state : from spicy tacos and cheesy nachos to flavorful chili and more!
The kids were thrilled and curious to learn about different cultures through food — what a tasty way to explore English and the world!
Take a look at Megan’s fantastic presentation here:


https://www.canva.com/design/DAGn-FJfDmg/0nFfCABfahy9vL9_bWkk_g/edit

Festa de Despedida na Pingüibiblio! 

Ola, familias do CRA de Oroso! Chega o momento de pechar un curso cheo de aprendizaxes, lecturas e emocións compartidas. E que mellor maneira de facelo que cunha festa moi especial na nosa querida Pingüibiblio que por razóns climáticas agora estamos, grazas ao Concello e a Bilbioteca pública municipal de Oroso nas súas instalacións, acompañados polo noso inseparable amigo, Pingüi! 

Preparamos unha máxica sesión para despedir as actividades da biblioteca deste curso. Será unha tarde chea de historias, sorrisos e moita ilusión! Non faltedes! Traede as vosas ganas de pasalo ben e de compartir este momento tan especial coa nosa comunidade educativa. Porque cada final é tamén un novo comezo, e xuntos e xuntas seguimos medrando!

Recomendacións lectoras Letras Galegas 2025

Recomendacións lectoras para as Letras Galegas no CRA de Oroso! 

Chegaron as Letras Galegas e con elas unha maleta chea de aventuras, contos, risas e emocións da man de escritoras e ilustradores galegos e galegas que nos fan soñar en galego! 

Dende EVA MEJUTO ata IVÁN R., pasando por nomes como LUCÍA COBO, PEPE CARREIRO, RO LEDESMA ou CONCHA BLANCO... temos libros para todos os gustos e idades!

Queres descubrir títulos para ler en familia, para levar na mochila, para rir, pensar ou deixar voar a imaxinación? Pois non perdas esta presentación tan chula feita co corazón no noso CRA 

Podes vela aquí:

 https://www.canva.com/design/DAGnKD2xiPs/LTYZ209xC5xHcjGuPTrt5Q/edit?utm_content=DAGnKD2xiPs&utm_campaign=designshare&utm_medium=link2&utm_source=sharebutton

Comparte, comenta e, sobre todo, le! Porque ler en galego é un superpoder que medra con cada historia.

Letras Galegas 2025

As nosas mans crean, a nosa lingua resoa! 

No CRA de Oroso celebramos as Letras Galegas cunha homenaxe moi especial: construímos a nosa propia pandeireta artesanal, decorada con coidado, cor e orgullo polo alumnado. Unha obra feita con amor, que leva impreso o noso logo escolar, símbolo da identidade que nos une.

 Cada pincelada foi un canto á nosa terra.

Cada son, unha lembranza das cantareiras e da tradición oral que queremos manter viva.

Cada palabra, un compromiso co futuro do galego.

Este traballo manual non é só unha pandeireta: é un acto educativo, cultural e galeguista, onde o noso alumnado aprende facendo, crea sentindo e medra compartindo. Porque as Letras Galegas tamén se traballan coas mans e co corazón.

E si, sabemos que este día, tan noso, merece conmemorarse a nivel mundial, como un berro de identidade que pon en valor a nosa cultura, a nosa lingua e o noso xeito de estar no mundo.

Grazas a todas as familias, profes e crianzas que facedes posible esta sementeira de galeguidade. Que vivan as pandeireteiras! Que viva a escola pública! Que viva o galego!

Manoele, Letras Galegas 2025

 A tradición cobra vida no CRA de Oroso!

Esta semana tocou saír das escolas… e entrar na alma da nosa cultura! O noso alumnado gozou dunha xornada moi especial da man de Manuele, mestre, músico e transmisor incansable das nosas raíces @tradidácticos.gal 

Cunchas, pandeira, gaita, bombo…

Cantigas que viaxan de boca en boca, de xeración en xeración…

Palabras que fan comunidade e que resoan na memoria da terra.

No Día das Letras Galegas 2025, adicado ás cantareiras, Manuele abríunos as portas dun mundo cheo de ritmo, tradición e identidade. A súa paixón e saber fixeron que nenos, nenas e mestras/e se mergullaran nun mar de sons que nos definen.

Grazas, Manuele, por regalarnos esta experiencia tan fonda e emotiva. Por lembrar que a música tradicional é moito máis ca notas e ritmos: é unión, é orgullo, é futuro.

As familias podedes ver o froito dunha labor que sementa amor pola nosa lingua e cultura. E que fermosa colleita!

 Compartide esta realidade para que o mundo vexa que no rural tamén se baila, tamén se canta, tamén se educa co corazón e nel están as raices asentadas para continuar amando a nosa terra sen condicions.

15 de maio Día Internacional das Familias

O tempo pasa voando… pero o amor dunha familia dura toda a vida! 

Este 15 de maio, no Día Internacional das Familias, no CRA de Oroso decidimos facer algo moi especial… un reloxo único, artesanal e con moito corazón! 

Cada neno e nena construíu o seu propio reloxo, pero non é un reloxo calquera… non! Neste as agullas non marcan as horas, marcan os abrazos, as risas e os momentos compartidos coa súa familia!

Con lenzos, cores, imaxinación e moito cariño, deron forma a este pequeno tesouro, onde unha obra artística representa a súa familia, o seu fogar, o seu mundo.

E é que... se o tempo é ouro, a familia é o diamante que o garda! 

💬 "Profe, podo poñer o meu can?”
💬 "Miña avoa di que a nosa familia é coma un reloxo: se falla unha peza, paramos todos!”

💬 “Profe, podo poñer a todas as persoas que quero?"

Estes reloxos son o noso agasallo para as nosas familias, para lembrar que, sexan como sexan, grandes, pequenas, ruidosa, calmas, diferentes, parecidas, variadas… son o noso verdadeiro tic-tac! 

Cantareiras do CRA de Oroso

As nosas pequenas cantareiras fan soar o corazón do CRA de Oroso! 

Nestes días de celebración das Letras Galegas, queremos poñer o foco nun grupo moi especial: as nosas pandeireteiras do CRA de Oroso, pequenas artistas que forman parte do grupo Lembranzas do Tambre e que manteñen viva, con forza e ilusión, a tradición musical galega.

 Elas son moito máis que nenas aprendendo a tocar: son herdeiras dunha tradición, transmisoras de cultura e exemplo de compromiso coa nosa lingua e co noso patrimonio inmaterial.

Tocan con paixón, cantan con alma e emocionan con cada pandeirada. Ver como se implican, como gozan e como comparten a súa arte co resto do alumnado é un verdadeiro agasallo para toda a comunidade educativa.

Grazas, pequenas grandes cantareiras, por levar con tanto orgullo e talento a nosa música popular. Grazas tamén ás persoas que as acompañan, guían e animan a seguir facendo soar a nosa historia dende as aulas, os escenarios... ou mesmo no patio da escola!

O Concello de Oroso ten futuro porque ten raíz. E esa raíz... tamén canta!

Grazas a Gustavo, Cristina e ao Concello de Oroso

 Oroso celebra, aprende e honra ás que nos precederon. 

Porque a nosa historia tamén se canta. 

Estes días estamos a celebrar o Día das Letras Galegas nos centros educativos do Concello cunha programación moi especial. Onte foi a quenda do CRA de Oroso, que tivo a sorte de participar nunha charla-concerto didáctica para coñecer e homenaxear ás grandes cantareiras da nosa tradición oral: Adolfina e Rosa Casás, Eva Castiñeira, Manuela Lema, Prudencia e Asunción Garrido... e moitas outras que forman parte da nosa memoria colectiva e da nosa historia sonora.

Grazas de corazón a Gustavo e Cristina (Lembrazas do Tambre) pola marabillosa presentación sobre as Letras Galegas e os instrumentos femininos do cancioneiro popular galego. Unha actividade amena, emocionante e chea de aprendizaxe que puxo en valor a nosa lingua, a nosa música e ás mulleres que a fixeron soar.

A través da pandeireta, do pandeiro, das cunchas e das melodías compartidas, as nosas crianzas descubriron o valor do noso patrimonio musical... xogando, cantando e emocionándose.

 Tamén queremos agradecer ás familias que asistiron á sesión de Pingüibiblio do martes pola tarde na Biblioteca Municipal de Oroso. Grazas por participar, por compartir tempo e por transmitir ás vosas crianzas o amor polos libros, a música e a cultura.

E, como non, grazas ás persoas que traballan cada día na biblioteca, ao pé do cañón, facendo da cultura un lugar de encontro para toda a veciñanza.

Finalmente, o noso recoñecemento ao Concello de Oroso e á súa Concellaría de Cultura, Ensino, Infancia, Xuventude, Muller e Igualdade, por propoñer, organizar e facer posible esta actividade tan enriquecedora. 

Seguimos cantando, celebrando e construíndo futuro dende a raíz da nosa identidade.
Vivan as Letras Galegas! Viva a música! Vivamos en galego!

Martes pola mañá...

Este martes GRAN ACTUACIÓN!

Como sabedes esta semana imos celebrar o Día das Letras Galegas no CRA de Oroso. Pero tamén imos conmemorar o Día das Familias. Temos unha gran semana por diante!

O Día das Letras 2025 vén con moita retrousa! Este ano, as protagonistas son as cantareiras galegas e as nosas cantigas tradicionais, esas que fan bailar os pés e latexar o corazón!

Estas mulleres valentes gardaron o galego nas súas voces, transmitindo cantigas de xeración en xeración: de avoas a netas, de nais a fillas e de veciña en veciña. A súa poesía popular naceu no traballo compartido, nas rogas, esas xornadas agrícolas onde a axuda mutua remataba con festa, pandeireta e moito xeito!

Para lles dar cara e voz, este ano escollemos a grandes representantes: Adolfina e Rosa Casás (de Cerceda), Eva Castiñeiras (de Muxía) e Prudencia, Asunción Garrido e Manuela Lema, tres das incribles Pandeireteiras de Mens (Malpica de Bergantiños). Elas si que saben montar unha boa foliada!

E como a tradición camiña da man da familia... tamén celebramos o Día Internacional das Familias, cun lema que fai cantar a esperanza: “As familias, unha vida sa e un futuro sostible”. A ONU lembra que a familia é o piar onde medra o benestar, a igualdade, a saúde e a educación. Sen familia, non hai comunidade; sen coidado, non hai futuro.

Este 15 de maio unímonos á mensaxe da Axenda 2030: loitar contra a pobreza, promover unha prosperidade xusta, educar en igualdade e coidar do planeta. As nosas cantareiras sabíano ben: na unión está a forza... e a música!

Este martes na biblioteca imos ter unha gran actuación. Contamos con vós.

Martes teatral

 Que martes tan falangueiro e estupendo!

Xa vexo que acudístedes a chamada. Non me extraña vendo o que íades facer, calquera se perde este día!

Polo que vexo sodes todas e todos unhas persoas innovadoras e moi creativas, moito me gustou o Kanishibai. Que maravilla de exemplo dramático!

Tamén vos recordaron que era o 9 de maio é o día dos calcetíns perdidos e aportaron polo conto: Manual de calcetíns salvaxes. Todo aquilo que necesita saber para defenderse desta praga. Escrito por Pablo Prestifilippo. 

É un escritor e ilustrador argentino que aprendeu a debuxar na escola. E pouco a pouco foi desenvolvendo esta aficción ata volvela o seu traballo. Ten moitos contos e seguro que algún outro coñeces. Como por exemplo...

Martes co teatro Kamishibai

 Ola pingüiteatro!

Xa sei que o último día de escola viaxástedes a ver unha obra de teatro e como non a min ficoume un vermiño e suxerinlle as mestras que vós amosaran este tipo de teatro na biblioteca. Creo que van a traer unha obra na que sean porcos. Non sei cal será. Eu quería que saíra algún pingüi descapotao pero non sei se chegará a tempo.

Tamén me dixeron que se daba tempo iades a coñecer un manual moi peculiar sobre unha praga que se atopa en todas as casas: 

2 de Maio Día Contra o Acoso Escolar

 

Recomendacións lectoras de o Maio

No CRA de Oroso celebramos a chegada de maio cun vídeo moi especial sobre unha tradición que florece cada primavera: poñer xestas nas portas, coches e leiras!

Por que a xesta é símbolo de protección, amor e sorte, e como está presente nas festas dos Maios, nos ritos do campo e mesmo nos namoros de antano.

Ademais hai unhas pequenas recomendacións lectoras para incluir estas datas na nosa biblioteca.

Todo acompañado coa fermosa música de  "13 lúas" da Asociación de Gaiteiros Galegos, que fixo aínda máis máxica esta viaxe polas nosas raíces!

Porque as tradicións tamén medran se as coidamos
Porque en maio… a xesta protexe, une e florece!

Saída Escolar ao teatro e ao Mercado de Abastos de Santiago.

Vivimos unha experiencia teatral inesquecible!

O alumnado do CRA de Oroso quedou abraiado coa obra "E entón, un xardín" da compañía Paporrubio. Un espectáculo cheo de maxia, imaxinación e compromiso co medio natural.

No escenario apareceron un mandril moi peculiar, flamingos deseñadores, un perezoso encantador, un porcoespiño moi informado, unha eiruga en plena transformación, un vermiño intelixente, paxaros rebuldeiros e ata un rinoceronte defensor do xardín.

Xunto cunha nena representada por un oso de peluche, todos eles uniron forzas para protexer o seu xardín fronte á ameaza humana e industrial. Unha mensaxe poderosa sobre o respecto á natureza e a importancia de coidala entre todos e todas. 

Grazas de corazón á Mercado de Abastos de Santiago de Compostela por cedernos as súas instalacións e facernos sentir coma na casa. Un luxo vivir a cultura neste entorno tan especial!