O 16 de abril, o alumnado do CRA de Oroso prepárase para unha saída moi especial ao Auditorio de Galicia para gozar do espectáculo Animalia, da Real Filharmonía de Galicia.
Da man de Sofía Nereida, António Miguel Teixeira e baixo a dirección de Jan Wierzba, mergullarémonos nunha viaxe fascinante onde a música clásica e o mundo animal se dan a man dun xeito sorprendente.
Que nos contarán os compositores?
E que historias agochan os seus misteriosos gatos?
Entre miados, saltos e moita imaxinación, descubriremos como cada nota da orquestra pode converterse nunha historia chea de emocións, aventuras e… algunha que outra trasnada felina!
Unha proposta pensada para achegar aos máis pequenos e pequenas ao mundo da música dun xeito lúdico, creativo e inesquecible, espertando a súa curiosidade e o seu amor pola arte.
Preparade as orellas, a imaxinación… e o corazón! Porque en Animalia, a música cobra vida!
Ningún comentario:
Publicar un comentario