Vivimos unha xornada moi especial… mans pequenas, ilusións enormes e moita terra que contar
O noso alumnado puxo en marcha o corazón do horto escolar: comezamos a plantar cabazas, cabaciños, cenorias e moitas outras sementes que medrarán ao ritmo da paciencia, do coidado e do traballo en equipo.
Cada semente leva dentro algo máis ca unha planta… leva aprendizaxes, responsabilidade e respecto pola natureza. A través desta experiencia, as nenas e os nenos descobren que todo leva o seu tempo, que hai que coidar para recoller e que podemos construír algo fermoso e sostible.
Este proxecto medra da man do programa Voz Natura, dándolle voz ao planeta tamén dende as nosas aulas e o noso entorno máis próximo. Porque educar hoxe é plantar mañá.
Se todo vai ben… á volta do vindeiro curso, en setembro, recolleremos os froitos desta aventura! E xa estamos desexando ver como medrou todo… e todas e todos nós con el.
Quen dixo que aprender non podía ser divertido? Aquí sementamos, xogamos, experimentamos… e sobre todo, soñamos en verde.
Ningún comentario:
Publicar un comentario