Ola, familias! Son Pingüi… e non vos podedes imaxinar os nervios e a emoción que hai estes días no CRA de Oroso!
O noso alumnado está contando as horas para vivir unha experiencia moi especial: imos visitar o parque de bombeiros da Coruña!
Alí van ensinarnos as súas instalacións, os seus vehículos, os materiais cos que traballan e, sobre todo, van explicarnos algo moi importante: como podemos previr os incendios e colaborar entre todas e todos para coidar as persoas, os montes, os animais e o noso planeta.
Porque ser bombeira ou bombeiro é moito máis que apagar lume… é axudar, protexer, acompañar e estar sempre preparados para coidar da sociedade cando máis o necesitamos.
No CRA de Oroso queremos que o noso alumnado aprenda dende pequenos e pequenas o valor da responsabilidade, da prevención e da solidariedade. E que mellor maneira que coñecendo de preto a esas persoas valentes que cada día traballan para manternos seguros e seguras.
As familias tamén compartides con nós esa ilusión, as mochilas preparadas, as preguntas infinitas e esas ganas enormes de descubrir como funciona un parque de bombeiros por dentro.
Estou seguro de que será unha visita inesquecible, chea de aprendizaxes, emocións e admiración.
Grazas por abrirnos as portas e por ensinarnos a importancia de coidar a vida entre todas e todos.
Ningún comentario:
Publicar un comentario