Sete homes con bombín… e un vento que o cambia todo
Na Pingüibiblio, este martes 7 de outubro de 16:30 a 17:30, imos mergullarnos nun conto moi especial:
“Sete homes con bombín”, de Álex Nogués e Silvia Cabestany.
Din que hai tempo, na cidade vivían sete homes idénticos: sempre xuntos, serios, de negro e co seu bombín ben colocado. Pero un día... o vento decidiu facer das súas e levou un deses bombíns máis alá do coñecido.
A partir de aí, algo comezou a cambiar.
Un sopro de liberdade, unha pinga de curiosidade e moitas ganas de descubrir o mundo doutro xeito.
Ven compartir con nós esta historia chea de humor, tenrura e transformación.
Imos ler, rir, sorprendernos e deixar que o vento tamén nos leve un pouquiño máis lonxe…
Ningún comentario:
Publicar un comentario