Matemáticas outonais

Cantas castañas hai aquí?


Na escola de Vilacide xogamos a imaxinar, estimar e contar. Cada neno e nena colle un papel e apunta o número de castañas que pensa que pode haber… e logo chega o momento de comprobar cantas son de verdade!

Un xogo sinxelo que esperta a curiosidade e amósanos que as matemáticas están en todas partes, dende a natureza ata o día a día. Estimar, calcular, probar… así aprendemos que contar tamén pode ser divertido.

As matemáticas non son só números: son unha maneira de mirar o mundo e entender como funciona.

Contos outonais

 Nas escolas do CRA vivimos un momento especial… As mestras prepararon unha invitacion a lectura facendo con moito agarimo.

As orientacións eran sinxelas: ler en familia, gozar cos sons e as cores desta estación e deixar que a imaxinación voase coma as follas co vento.

A mellor parte? A sorpresa nas súas caras cando descubriron que cada libro agocha aventuras diferentes: animais que se preparan para o inverno, paseos baixo a chuvia ou montes cheos de follas para brincar.

Aquí deixamos unha imaxe dese momento máxico, cheo de curiosidade, ilusión e moitas ganas de ler, soñar e compartir.

Saída: Os segredos do outono

 

Como cambia o conto...

E se fose o rato quen nos dera unha galleta a nós?

Partindo do conto “Se lle dás unha galleta a un rato”, o noso alumnado puxo a voar a imaxinación:

Que pasaría se o rato nos regalase unha galleta?

Que aventuras e retos viviríamos?

Con esforzo, traballo en equipo e moita creatividade, convertimos esta pregunta nunha experiencia chea de descubrimentos. Entre risas, novas ideas e propostas orixinais, construímos unha actividade súper interesante e divertida que fixo medrar a nosa curiosidade.

Porque cando se xunta a lectura coa imaxinación e o ánimo por explorar, as posibilidades son infinitas.

Outono no CRA

O outono chegou ás nosas aulas cheo de cor, maxia e aprendizaxes!

As follas secas convértense en inspiración para a nosa creatividade. As castañas, as piñas e o millo axúdannos a contar e a sumar, e cada recuncho da clase énchese de natureza e diversión. 

A través das matemáticas e das artes plásticas, descubrimos que o outono é moito máis ca unha estación: é un libro aberto cheo de sorpresas que nos invita a observar, tocar e experimentar.

Queredes vir con nós a gozar deste tempo tan especial?
O outono está chamando á vosa porta… abrídella con ilusión! 

Generación docentes

O CRA de Oroso e outros dous colexios rurais da área de Santiago participan en «Generación docentes» da Fundación Princesa de Girona:

https://www.elcorreogallego.es/concellos/2025/09/25/tres-colegios-area-santiago-participan-generacion-docentes-fundacion-princesa-girona-121939032.html?utm_source=whatsapp&utm_medium=social&utm_campaign=btn-share

Recomendacións outonais

 Ola pingüicolegas!

Xa sabedes que chegou o outono. Vai máis frío e tamén é tempo de ler a carón do lume. Aquí tedes uns relatos para asombrarvos.

Mariola Solidaria

Un pequeno xesto, unha gran axuda


Ata o 30 de setembro podes traer roupa e calzado usado ás escolas do CRA de Oroso para colaborar con Mariola Solidaria.

Onde? Nas escolas (Deixebre, Senra, Trasmonte, Vilacide).

Data límite: 30 de setembro (o 1 de outubro será a recollida).

Dálle unha segunda vida ao que xa non usas e axuda a quen máis o necesita. Porque compartir é construír un mundo mellor. 

Se lle das unha galleta a un rato

Se lle das unha galleta a un rato... todo pode comezar cunha divertida cadea de aventuras!

No vídeo de hoxe descubrimos como un simple agasallo pode levar o rato a:
 querer ler un conto,
 facer undebuxo,
 axudar nas tarefas da casa,
 pedir un vaso de leite…
e moito máis!

Un libro cheo de imaxinación que nos amosa como cada acción ten unha nova consecuencia e como a vida pode chegar a ser cíclica. Moitas veces un comezo volve a ser un remate.
Unha lectura ideal para rir, sorprenderse e gozar en familia Con unha idea moi saborosa.

E ti… que cres que pediría o rato despois?

Festivo

 

Adiviña canto te quero

Descubrimos e nalgun caso redescubrimos un clásico que fai tremer o corazón: Adiviña canto te quero, de Sam McBratney e Anita Jeram. 

A labor literaria de Sam McBratney e a maxia visual de Anita Jeram deixan unha pegada fonda no mundo da creatividade e das emocións infantís, axudándonos a poñer palabras e imaxes a aquilo que máis sentimos: o AMOR sen límites. 

Entre palabras e ilustracións nenas e nenos aprenderon que o amor non ten medida… é tan grande como o ceo, tan fondo como o mar, tan infinito como as estrelas .

Un conto que nos lembra que a literatura e a arte son pontes cara ás emocións máis puras da infancia .

Comezando...

O noso curso arrinca creando espazos propios cheos de maxia!

Creamos roldas de nomes, cada neno e nena decorou  e deseñou dun xeito participativo e divertido a súa chegada a escola.
Construimos casiñas acolledoras  para gardar esas pezas tan especiais.
Puxemos cor e ilusión nun recuncho moi especial: onde descubriremos o tempo que fai , veremos quen vén á aula, organizaremos e repartiremos os nosos pequenas grandes experiencias. 

Un espazo vivo que medra coas nosas aprendizaxes e coas nosas ganas de compartir cada día! 

Un xeito diferente de aprender...

Primeiros días, primeiras emocións!

Comezamos o curso en Vilacide cunha actividade chea de cores, ilusión e creatividade: o alumnado deu vida aos seus nomes construíndo pulseiras cuns abalorios especiais. 

Un xeito divertido de poñer en marcha o curso, crear lazos e levar no pulso as ganas de aprender, compartir e descubrir todo o que nos agarda este ano escolar. 

Porque cada nome é único, e cada aprendizaxe tamén! 

Novos retos, novos proxectos

Comeza o curso cheo de sorpresas e novos proxectos. Queremos que sexa un ano maravilloso para as persoas que comezan como para os que cambian de escola. Con novos mellores desexos.

8 de setembro – Día Internacional da Alfabetización no CRA de Oroso

 8 de setembro – Día Internacional da Alfabetización no CRA de Oroso

No noso centro queremos comezar o curso lembrando unha data moi especial: o Día Internacional da Alfabetización, que se celebra en todo o mundo dende 1967. A alfabetización é un dereito humano fundamental, a chave que abre as portas do coñecemento, das liberdades e dunha sociedade máis xusta, pacífica e sostible.

Este ano celébrase baixo o lema “Promover a alfabetización na era dixital”. A tecnoloxía pode ofrecernos novas oportunidades para aprender e comunicarnos, pero tamén supón retos que esixen pensamento crítico, seguridade, respecto e inclusión.

No CRA de Oroso, arrincamos o curso con ilusión e coa certeza de que ler, escribir e comprender –no papel e no mundo dixital– son ferramentas imprescindibles para convivir, crear e coidar do planeta.

Hoxe celebramos que aprender é camiñar xunto e xuntas cara a un futuro mellor.

Recordamos

 

Comezamos!

 

En plena preparación.

 

Ola pingüicolegas!

Comezamos unha nova viaxe de aprendizaxe no CRA de Oroso!

Este curso traemos a mochila chea soños, aventuras compartidas e milleiros de experiencias para vivir en comunidade. Porque aprender é medrar 

Que este 2025/26 sexa un camiño cheo de creatividade, amizade e novos descubrimentos!

Benvidas e benvidos ao curso escolar no noso CRA. Preparadas? Preparados?

… Pois imós aló!