A escola de Senra converteuse nun auténtico laboratorio de descubrimentos grazas ao obradoiro científico desenvolvido por @conelpisapapeles e @soltandopiezas dentro do Plan de Biblioteca Creativa das Bibliotecas Escolares de Galicia.
A través da experimentación, a observación e o traballo cooperativo, o alumnado explorou, investigou e formulou hipóteses, converténdose en protagonista da súa propia aprendizaxe. A curiosidade foi a mellor ferramenta e as ganas de descubrir fixeron o resto.
Foi unha actividade atractiva, motivadora e moi participativa, na que todas as nenas e nenos se implicaron con entusiasmo, demostrando que a ciencia tamén se aprende xogando, creando e compartindo.
Porque nas nosas bibliotecas non só se len historias... tamén se constrúen, se experimentan e se viven!
Ningún comentario:
Publicar un comentario