Descubrindo o código!

Este 28 de abril a biblioteca escolar do CRA de Oroso transfórmase nun auténtico centro secreto de comunicacións… e precisamos axentes moi especiais!

Preparade as vosas mentes curiosas porque imos viaxar ao tempo de Morse, onde as palabras non se dicían… codificábanse! 

A través de diferentes estacións, os nenos e nenas teredes que:

Descifrar mensaxes ocultas en código Morse

Escribir os seus nomes como auténticos expertos e expertas en comunicación secreta

Comunicarse con mímica por parellas (porque ás veces… o corpo tamén fala!)

Coñecer de preto un telégrafo… e descubrir como se enviaban mensaxes antes dos móbiles (si, si… sen WhatsApp!)

Comezaremos cunha pequena presentación para poñernos en situación… e despois… acción, misterio e moita diversión!

E atención! 

Din por aí que quen consegue descifrar todas as pistas… convértese en AXENTE SECRETO DA BIBLIOTECA (shhh… é un segredo!)

Se xa visitas a biblioteca… prepárate para unha nova aventura!
E se aínda non viñeches… a que estás esperando? 

A biblioteca non é só para ler…

é para xogar, investigar, imaxinar e vivir historias inesquecibles.

Achégate e descubre por que…

na biblioteca sempre pasan cousas sorprendentes!